Utah Scottish Association

P.O. Box 57476 Salt Lake City, Utah 84157

Photography by Cody Hoagland.  |  

Arrow black large Arrow black large fb-icon instagram twitter-icon Arrow black large

OGDEN ROBERT BURNS SUPPER

ADDRESS to a HAGGIS

 

Fair fa' your honest, sonsie face,

Great chieftain o' the puddin-race!

Aboon them a' ye tak your place,

Painch, tripe, or thairm:

Weel are ye wordy of a grace

As lang's my arm.

 

The groaning trencher there ye fill,

Your hudies like a distant hill,

Your pin wad help to mend a mill

In time o' need,

While thro' your pores the dews distil

Like amber bead.

 

His knife see rustic Labour dight,

An' cut ye up wi' ready slight,

Trenching your gushing entrails bright,

Like onie ditch;

And then, O what a glorious sight,

Warm-reeking, rich!

 

Then horn for horn, they stretch an' strive:

Deil tak the hindmost, on they drive,

Till a' their weel-swall'd kytes belyve

Are bent like drums;

Then auld Guidman, maist like to rive,

'Bethankit!' hums.

 

Is there that owre his French ragout,

Or olio that wad staw a sow,

Or fricassee wad mak her spew

Wi perfect scunner,

Looks down wi' sneering, scornfu' view

On sic a dinner?

 

Poor devil! see him owre his trash,

As fecl;ess as a wither'd rash,

His spindle shank a guid whip-lash,

His nieve a nit;

Tho' bluidy flood or field to dash,

O how unfit.

 

But mark the Rustic, haggis-fed,

The trembling earth resounds his tread,

Clap in his walie nieve a blade,

He'll make it whistle;

An' legs, an' arms, an' heads will sned

Like taps o' thrissle.

 

Ye pow'rs, wha mak mankind your care,

And dish them out their bill o' fare,

Auld Scotland wants nae skinking ware,

That jaups in luggies;

But if ye wish her gratfu' prayer,

Gie her a Haggis!

 

burnsogden

(Vintange post card, 1913)

Our Ogden Robert Burns Supper

will take place on January 20th.

 

This event is still being planned.

Further information to be annoucned.

 

 

Tickets are not yet available for

Ogden Burns Supper.